Tafallako gazte bat larri zauritu da Beriainen izandako istripuan

03:25 aldera gertatu da istripua N-121 errepidearen 8,5. kilometroan. Antza denez, 25 urteko gazteak atzetik eman dio autobusari bere autoarekin.

AGENTZIAK | ERREDAKZIOA

publikatuta: 2019/10/13 10:39 (UTC+2)

azken eguneratzea: 2021/06/24 10:38 (UTC+2)

Tafallako 25 urteko gazte bat larri zauritu da gaur goizaldean N-121 errepidean, Beriain parean, bere autoaren eta autobus baten artean izan den trafiko-istripuan.

Foruzaingoak jakitera eman duenez, 03:25 aldera gertatu da istripua, autoak autobusa atzetik jo duenean.

Autoaren gidaria larri zauritu da eta suhiltzaileek atera behar izan dute. Ondoren, Nafarroako Ospitaleko Larrialdi zerbitzuetara eraman dute.

Bi ibilgailuek kalte nabarmenak izan dituzte, baita errepideko hainbat elementuk ere.

Foruzaingoak ikerketa ireki du istripua nola gertatu den argitzeko.

Hau zure interesekoa bada, baliteke beste gai hauek ere izatea

Trafiko Istripuak Nafarroa Gizartea Eguneko albisteak Tafalla Albisteak Errepideko istripuetan zauritutakoak

Tafallako gazte bat larri zauritu da Beriainen izandako istripuan

Esteka kopiatuta