Gizonezko bat hil da Arrasateko mendi batean zerraldo erorita

57 urteko gizonezko bat hil da Arrasateko (Gipuzkoa) mendi batean oinez zihoala zerraldo erorita, Herrizaingo Sailak jakitera eman duenez. Arrasateko Udala auzotik kilometro bat ingurura gertatu zen ezbeharra.

Aipatu iturrien arabera, atzo arratsaldeko zortzietan gertatu zen ezbeharra. Biktimarekin txangoa egiten ari zen pertsona batek eman zuen abisua, bere lagunari zerbait gertatu zitzaiola ohartaraziz.

Biktima zehazki non zegoen jakitea zaila izan omen zen Ertzaintzarentzat eta medikuentzat. Bertaratu zirenean, gizonezkoa suspertzen saiatu ziren, baina ez zuten lortu, eta hil egin zen 57 urteko lazkaotarra.