Bi lagun atxilotu dituzte Bilbon gizon bati aurpegian zauri larriak egitea egotzita

28 eta 30 urteko bi gizon atxilotu ditu Ertzaintzak Bilbon, beste gizon bati aurpegian zauri larriak egitea leporatuta. Biktima ospitalean artatu behar izan zuten.

Segurtasun Saileko iturriek jakinarazi dutenez, gertaera igande honetako 04:30ak aldera jazo da. Bilboko Uribitarte kalean errieta bat izan da hainbat lagunen artean. Ertzainak bertaratu dira, eta banandu dituzte. Horietako batek beirazko botila bat zeukan, eta zuhaitz baten azpira bota du.

Biktima, 41 urtekoa, lurrean zegoen, eta zauriak zituen aurpegian eta besoetan.

Lesio delituak leporatu dizkiete atxilotuei, eta ikerketak zabalik jarraitzen du erasoaren arrazoiak argitze aldera.