Gizartea -
Gertaera
Gizon bat zauritu da Donostian, Pasealeku Berriko haitzetara erorita
Gertaera 06:00ak aldera jazo da, San Juan kalearen eta Salamanca Pasealekuaren artean. Ordu horretan, 27 urteko gaztea bertako harri-hormara erori da.
Agentziak | Erredakzioa
Gizon bat zauritu da ostiral honetan Donostian, Pasealeku Berriko haitzetara erorita, Eusko Jaurlaritzako Segurtasun Sailak jakitera eman duenez.
Gertaera 06:00ak aldera jazo da, San Juan kalearen eta Salamanca Pasealekuaren artean. Ordu horretan, 27 urteko gaztea bertako harri-hormara erori da.
Suhiltzaileek gaztea erreskatatu eta Donostiako Ospitalera eraman dute, zauriak artatzera.
Udaltzaingoak azaldu duenez, gazteak hipotermia zantzuak zituen, baina "ez dago larri".