Gizartea -
Gertakaria
Gizonezko batek pertsona bat erreskatatu du Bilboko itsadarrean
Gertakaria atzo jazo zen. Txalupa batean zihoan gizon batek itotzeko arriskuan zegoen pertsona bat erreskatatzea lortu zuen. Biktima, 54 urteko gizona, ospitalera eraman zuten anbulantzian.
Erredakzioa
Bilboko itsasadarrean txalupan zebilen gizonezko batek pertsona bat salbatzea lortu zuen atzo. Arratsaldeko 18:00 aldera jazo zen gertakaria Uribitarte inguruan.
Antza, gizonak pertsona bat ikusi zuen ibaian igeri egiteko arazoekin, eta birritan pentsatu gabe, uretara egin zuen salto hari laguntzeko. Biktima, 54 urteko gizona, bizirik ateratzea lortu zuen. Anbulantzia batean Bizkaiko ospital batera eraman zuten.
Orain, gertakaria ikertzen ari dira. Ertzaintzak erreskatea egiteko bizia arriskuan jarri zuen herritarrari bere esker ona helarazi nahi dio.