Udaltzain bat eta auzokide bat ospitaleratu dituzte Durangon, sute baten ondorioz

Pertsona bat eta udaltzain bat ospitaleratu behar izan dituzte Durangoko etxebizitza bateko sute baten ondorioz, lehena erredurengatik eta bigarrena kea arnasteagatik.

Udaltzaingoaren arabera, sutea 14:00ak aldera piztu da, Durangoko (Bizkaia) Untzillatx kaleko etxebizitza batean.

Suak bigarren mailako erredurak eragin dizkio etxebizitzako auzokide bati. Ondorioz, ospitalera eraman behar izan dute, baita udaltzain bat ere kea arnasteagatik.

Sutea piztu den etxebizitza eta ondoko beste batzuk hustu egin behar izan dituzte. Hala ere, jendea berriz itzuli ahal izan da etxeetara.