Gizartea -
Emakumeen kontrako indarkeria
19 urteko gizon bat atxilotu dute emakume bati zirriak egitea egotzita
Gizonak dirua eskaini zion emakumeari sexu-harremanak izatearen truke, eta hark ukatu egin zionean hasi zen eraso egiten. Biktimen arretarako telefonoa: 016.
Erredakzioa
Ertzaintzak 19 urteko gizon bat atxilotu du emakume bati, berak onartu gabe, zirriak egitea leporatuta, Bilbon, Herrizaingo Sailak jakitera eman duenez.
Emakumeak Ertzaintzari salatu zionez, bi neska jarraitzen ari zen etengabe atxilotua eta horietako batek alde egiteko eskatu zionean, gizonezkoak besotik heldu zuen indartsu eta borrokan hasi zen. Orduan, dirua eskaini zion emakumeari sexu-harremanak izatearen truke, eta hark ukatu egin zuen.
Biktimak errefusatu egiten zuela ikusita, atxilotuak zirriak egin zizkion eta emakumea alde egiten saiatu zen.
Erasotzailearen eskuetatik ihes egitea lortu zuenean, biktimak Ertzaintzarengana jo zuen eta berehala atxilotu zuten ustezko erasotzailea.
