Gizartea -
Idiazabalen, Irungo noranzkoan
N-1 errepidea itxita egon da Etxegaraten, kamioi bat irauli ostean
Istripuaren ondorioz, hainbat orduz itxita egon da errepidea, Irungo noranzkoan. 11:50 aldera izan da istripua, N-1 errepidean, Idiazabalen, Etxegarateko mendatearen jaitsieran, Irungo noranzkoan.
Erredakzioa
N-1 errepideko errail bat itxita jarraitzen du, Etxegarate mendatean kamioi bat irauli ostean. Istripua eguerdia baino minutu batzuk lehenago izan da Idiazabalen, Irungo noranzkoan. Kamioiak furgonetak zeramatzan, Herrizaingo Sailak jakinarazi duenez.
11:50 aldera izan da istripua, N-1 errepidean, Idiazabalen, Etxegarateko mendatearen jaitsieran, Irungo noranzkoan. Oraindik ez dituzte istripuaren nondik norakoak argitu, baina ibilgailuak zeramatzan kamioi bat irauli eta errepidean gelditu da. Gidaria ez da zauritu.
Istripuaren ondorioz, errepidea itxi dute hainbat orduz eta auto-ilarak sortu dira Irungo noranzkoan. Ertzaintza ibilgailuen joan-etorria bideratu du.
