Hildako bat Mostolesen, kontrako noranzkoan zihoan auto batekin talka eginda

32 urteko gizon bat hil egin da gaur, abenduak 8, A5 errepideko 22. kilometroan, Mostolesen (Madril) parean, kontrako noranzkoan zihoan ibilgailu baten aurka talka eginda, Madrilgo Erkidegoko 112 larrialdietako bozeramaile batek jakitera eman duenez.

06:07an egin dute deia eta Mostoleseko suhiltzaileak gerturatu direnean, ibilgailuaren barruan harrapatuta zegoen gorpua erreskatatu dute. SUMMA 112 zerbitzuak gizona politraumatismo batengatik hil dela egiaztatu du.

Kontrako noranzkoan zihoan gidaria, 23 urteko gizon bat, arin zauritu da eta Summa 112 zerbitzuak Puerta de Hierro (Majadahonda) ospitalera eraman du.

Guardia Zibilak eta Mostolesko Udaltzaingoak gertatutakoa ikertzen ari dira; oraindik ez dute baieztatu kamikaze bat denik.