Gizartea -

ERREPIDEAK

Hiru pertsona larri zauritu dira Zallan, BI-636 errepidean izan den istripuan

Bi autok aurrez aurre jo dute 14:20 aldera. Zaurituak 28 eta 56 urteko bi gidariak eta euretako batekin zihoan 20 urteko neska dira. Errepidea itxita izan da 16:30 arte.

Larria izan da Zallako istripua. Argazkia: @Angelmarinta
Larria izan da Zallako istripua.
Hiru lagun zauritu dira Zallan gertatutako istripu batean

0:57

EITB.EUS

Whatsapp Facebook Twitter Telegram Email

20, 28 eta 56 urteko hiru pertsona larri zauritu dira Zallan, BI-636 errepidean izan den trafiko-istripu batean, Eusko Jaurlaritzako Segurtasun Sailak jakitera eman duenez.

14:20 aldera gertatu da istripua. Oraindik argitu ez diren arrazoiengatik, bi autok aurrez aurre jo dute eta hiru pertsona harrapatuta geratu dira euren ibilgailuetan. Suhiltzaileek atera behar izan dituzte autoetatik eta Ospitalera eraman dituzte ondoren, zauri larriekin.

Istripuaren ondorioz, itxi egin behar izan dute errepidea Bilborako noranzkoan eta zirkulazioa Zalla erdigunetik eta inguruko errepideetatik bideratzen aritu da Ertzaintza 16:30 arte. Gero, berriz ere ireki dute Bi-636 errepidea.

Ertzaintzak ikerketa ireki du gertatu dena argitzeko.

Erlazionatutako edukiak

Istripua izan duten ibilgailuak

Hiru lagun zauritu dira Zallan gertatutako istripu batean
Hau zure interesekoa bada, baliteke beste gai hauek ere izatea
Trafiko Istripuak Bizkaia Gizartea Eguneko albisteak Albisteak Zalla Trafiko istripuen biktimak Enkarterri