Gizartea -
Gertakaria
Sute batek kalte handiak egin ditu Ribaforadako enpresa batean
Zorionez, ez da zauriturik izan, baina suak kiskalita utzi du 800 metro koadroko eraikin bat, Congelados Ariza enpresarena hain zuzen ere.
Erredakzioa
Sute batek kalte handiak egin ditu Congelados Ariza enpresaren eraikin batean, Ribaforadan (Nafarroa), baina ez da zauriturik izan, Nafarroako Gobernuak jakitera eman duenez.
Sua atzo piztu zen 21:23 aldera eta ia erabat kiskalita utzi zuen 800 metro koadroko eraikina, teilatua barne. Aurrez prestatutako jakiak gordetzeko biltegi bat zen.
Tuterako, Tafallako eta Peraltako suhiltzaileak bertaratu ziren, eta baita foruzainak ere. Orain, Foruzaingoak hartu du bere gain sutea zerk eragin duen argitzeko ardura.
Hau zure interesekoa bada, baliteke beste gai hauek ere izatea