Donostiako mendizale bat hil da Palentziako Curavacas mendian

Izotzean laban eginda, amildegitik behera erori da 34 urteko donostiarra. Harekin zegoen lagun batek ohartarazi ditu larrialdi zerbitzuak.

Curavacas (Palentzia) mendia udaberri-udan. Google Mapsetik ateratako irudia. — 34 urteko donostiar bat hil da Palentziako mendi batean

AGENTZIAK | ERREDAKZIOA

publikatuta: 2019/12/27 15:57 (UTC+1)

azken eguneratzea: 2019/12/28 15:19 (UTC+1)

34 urteko mendizale donostiar bat hil da ostiral honetan Palentziako Curavacas mendi tontorrean (2.537 metro), izotzean laban egin eta amildegitik behera erorita, Espainiako Gobernuaren ordezkaritzak jakinarazi duenez.

Europa Press agentziak zehaztu du Trafikoko unitatean lan egiten zuen ertzain bat dela hildakoa.

Ezbeharra 11:00ak inguruan gertatu da. Biktimarekin zegoen beste mendizale batek ohartarazi ditu larrialdi zerbitzuak.

Inguru horretan praktiketan zebilen Kantabriako erreskate talde bat bertaratu da istripuaren tokira. Badaezpada, Guardia Zibilaren helikoptero bati ere eman diote abisua.

Hau zure interesekoa bada, baliteke beste gai hauek ere izatea

Donostia Gipuzkoa Gizartea Eguneko albisteak Albisteak Mendiko istripuak

Donostiako mendizale bat hil da Palentziako Curavacas mendian

Esteka kopiatuta