Zugaztietan familia bati ostatu ematearen gaineko eztabaida piztu da

Zugaztietan (Bizkaia) ijitoen familia bati ostatu ematearen gaineko eztabaida piztu da gaur Eusko Legebiltzarrean, Zugaztietako Auzokideen elkarteak erabaki hori berriro errefusatu duelako, eta eztabaida piztu da elkartearen eta EAJ, PSE eta EB alderdien artean.

EAJri "lotsa" ematen dio piztutako eztabaida, eta PSEk eta EBk zenbait auzokideren "xenofobiari" egotzi diote iskanbila sortu izana.

Auzokideen elkartea Esuko Jaurlaritzako Giza Eskubideen Batzordearen aurrean aurkeztu da 2009an Zugaztietan familia ijito baten ostatuaren harira bere iritzia emateko. Familia Sestaotik zetorren; tokiz aldatzeko neurri horrek auzokideen gaitzespena ekarri eta istilu ugari eragin zituen.

Iñaki Zamarripa Zugaztietako Auzokideen elkarteko presidenteak familia ijitoaren ostatua gaitzesteko arrazoiak errepikatu ditu gaur.

Zamarriparen ustez, ostatu emateko neurria "legez kontrakoa, bidegabea eta ezmorala" da, lan egin gabe "egundoko bizitza" ematen duten pertsonei mesede egiten dielako. Ildo horretan, pertsona horiek "eskubide guztiak eta inolako betebeharrik ez" dituztela gaineratu du.

Halaber, familiako zenbait kideek "deabruaren buztana baino luzeagoa" den polizia-txosten dutela esan du, eta auzokideen arrazakeria ukatu du; izan ere, auzokideek ez dituzte inolako arazorik Zugaztietan bizi diren gainerako familia ijitoekin.