Itxi

2020/01/01

13:25

Gizartea

Gertaera

Hiru pertsona erreskatatu dituzte Bilboko Itsasadarreko uretatik, Zubizuri parean

eitb.eus

Goizeko lehen orduan, emakume bat uretara erori da eta, antza, bi gizonezko uretan sartu dira laguntzera.

  • Bizkaiko hiriburuk Zubizuri zubia

    Bizkaiko hiriburuk Zubizuri zubia, artxiboko irudi batean. Argazkia: Daniel Rodriguez Fuentes

  • Whatsapp
  • Whatsapp
  • Telegram
  • Bidali

Hiru pertsona erreskatatu dituzte Bizkaiko Suhiltzaileek gaur, urtarrilak 1, Bilboko Itsasadarreko uretatik. Horrezkero, horietako bi Basurtuko Erietxera eraman behar izan dituzte, hipotermia zantzu arinak zituztelako.

Udaleko iturriek azaldu dutenez, gertaera 07:45 inguruan jazo da, Bizkaiko hiriburuko Zubizuri deitutako zubiaren parean.

Oraindik argitu gabe dauden arrazoiengatik, 25 urteko emakume bat uretara erori da eta, antza denez, bi gizonezkok uretara salto egin dute laguntzera.

Bertaratutako suhiltzaileak uretatik irteten lagundu diete, eta emakumea eta gizonetako bat Basurtuko Ospitalera eraman dituzte. Edonola ere, biak onik daude.

  • Bisitatuena

      Kargatzen ikusiena
      Kargatzen ikusiena
    ;