Gizartea -
EZBEHARRA
Gazte bat zauritu da Ondarroan, etxean izandako sutean
23 urteko gaztea Gurutzetako Ospitalera eraman behar izan dute, erredurak zituelako.
AGENTZIAK | ERREDAKZIOA
23 urteko gazte bat zauritu da igande honetan Ondarroan, bere etxean izandako sutean.
Herrizaingo Sailak jakitera eman duenez, Arrigorri kalean dagoen etxebizitzan piztu da sua 07:50 aldera. Abisua jaso eta berehala bertaratu dira suhiltzaileak eta anbulantziak eta laster itzali ahal izan dute sua.
Gaztea Ondarroako osasun-etxera eraman dute aurrena, baina erredurak ikusita, Gurutzetako Ospitalera bidaltzea erabaki dute.
Ertzaintzak ikerketa ireki du sutea nola piztu den argitzeko baina baliteke sukaldean egotea jatorria.