Bilbotar bat oso larri zauritu da gaueko entzierro batean, Zamoran

Bilbotar batek zauri oso larriak izan ditu Fuentesauco herrian, Zamoran, ostirala eta larunbata artean egindako entzierro batean. Entzierroa herriko jaien ospakizunaren ekitaldietako bat zen.

Beste zazpi pertsonak ere zauriak izan dituzte. Entzierroa 03:00etan hasi zen eta ordubetez luzatu zen. Hala ere, zaurituak 15 eta 20 minutuko tartean izan ziren.

Jagoletza intentsiboan 43 urteko bilbotarra oso larri dago; zezen baten adarrak egindako zauria dauka ipurtestetik sartu eta sabelalderaino. Pelbisa ere hautsita dauka.

Zauritua Salamancako ospitale batera eraman zuten. Bertan ebakuntza egin diote eta Jagoletza Intentsiboetako Unitatean dago, La Guareñako Osasun Zentroak Euroa Pressi jakitera emandakoaren arabera.