Gizartea -
Bizkaia
Arrontegiko zubian izandako istripu batek auto-ilara handiak eragin ditu
Bi pertsona arin zauritu dira eta ospitalera eraman behar izan dituzte, goizean goiz hiru autok, kamioi batek eta furgoneta batek talka egin ostean.
eitb.eus
Hiru autok, kamioi batek eta furgoneta batek istripua izan dute gaur goizean Arrontegiko zubian, Getxorako noranzkoan, eta ilara luzeak sortu dira goizean goiz. Talkaren ondorioz, bi pertsona zauritu dira, eta ospitalera eraman dituzte.
Ezbeharra 08:30ean gertatu da, oraindik argitzeke dauden arrazoiak tarteko, Segurtasun Sailak jakitera eman duenez. Istripu anizkoitzaren ondorioz, bi erreiko zirkulazioa eten behar izan dute, eta auto-ilara handiak sortu dira.