Gizartea -
Azterketa baten ostean
Bilboko Aireportuak langileen dutxetako bat itxi du, legionella antzeman baitu
Ur-berogailu batean topatu dute bakterioa. Kutsatzeak ez die gainerako dutxei eta bidaiarientzako komunei eragin.
Agentziak | erredakzioa
Bilboko Aireportuko langileek erabili ohi duten dutxetako bat itxi dute, hura hornitzen duen ur-berogailu batean legionella bakterioa antzeman eta gero. Beharginei dutxa hori ez erabiltzeko eskatu diete, berogailua konpontzen duten bitartean.
Aenako iturriek azaldu dutenez, ur-zirkuituaren azterketak egin ohi dituzte, eta halako batean aurkitu dute kutsatutako ura.
Iturrion arabera, langileen dutxetako bat hornitzen du ur-berogailuak, eta ez die gainerako dutxei edota bidaiarientzako komunei eragin.