Euria, nagusi datozen egunetan

Euskalmet meteorologia agentziaren arabera, gaur, astelehena, tenperaturek gora egingo dute. Zeruan hodei asko izanda hasiko dugu eguna, baina horrek aurrera egin ahala ostarte handiak ikusiko ditugu. Arratsalde-gau aldean euri-jasak eta trumoiak ekar litzaketen hodeiak sortuko dira. Ekialdeko haizea ibiliko da; tenperaturak kostaldean 25 ºC-ra igoko dira eta 28-31 ºC-ra barnealdean.

Asteartean eguraldiak okerrera egingo du. Zerua hodeiez estalita egongo da eta baliteke euria egitea, bereziki egunaren bigarren zatian, leku batzuetan zaparrada indartsuak botatzeko aukera egongo da. Tenperaturak 20- 23 ºC-ra jaitsiko dira.

Asteazkenean euri-jasekin jarraituko dugu eta berriz ere giro ezegonkorrena egunaren bigarren zatian emango bada ere, kantauriar isurialdean egingo du euri gehien. Ipar-haizea ibiliko da. Ipar-haizeak indartsu joko du. Tenperaturek 20 ºC inguruan jarraituko dute.