Gizartea -
Iruzurra
SMS bidezko iruzur bat atzeman dute Gipuzkoan
Abisua eman duen emakumeak kontu zenbaki bat eskatzen zion mezu bat jaso du, Ogasunak zor zion 450 euroko diru-sartze bat egiteko.
Agentziak | Erredakzioa
Ertzaintzak SMS bidez egindako iruzur saiakera baten berri eman du, Arrasateko (Gipuzkoa) emakume batek jasotakoa, Ogasunaren izenez bidalitako mezua jaso duenean.
Ertzaintzak ez du beste antzeko kasu baten berri izan, baina "horiek saihesteko bidean dago", Eusko Jaurlaritzako Segurtasun Sailak ohar batean jakinarazi duenez.
Abisua eman duen emakumeak azaldu duenez, telefono mugikorrera iritsi zaion mezuan kontu korronte zenbakia eskatzen zioten, Ogasunaren izenez 450 euroko diru- sartze bat egiteko.
Erakunde horrekin harremanetan jartzean, iruzur bat izan zitekeela adierazi diote, Ogasunak ez duelako "informazio konfidentziala, ekonomikoa edo pertsonala, kontu zenbakiak edo bankuko txartelak" eskatzeko SMS edo posta elektronikorik bidaltzen.
Ertzaintzak "edozein datu pertsonal eskatuz gero, iturria den erakunde ofizialarekin eta polizia agintariekin zuzenean harremanetan jartzea" eskatu du.