Gizartea -
Zirkulazio-istripua
Lagun bat hil da Usurbilen, autoarekin aldapa batetik erorita
Istripua astelehen honetako 09:10 aldera jazo da, GI-20 errepidean. Ibilgailua bost bat metroko altuera batetik jausi da.
Agentziak | Erredakzioa
Lagun bat hil da, gizon bat antza, astelehen honetako goizean, Usurbilen, zirkulazio-istripuan, autoarekin bost bat metroko aldapa batetik erorita, Eusko Jaurlaritzaren Segurtasun Sailak jakinarazi duenez.
Ezbeharra 09:10 aldera jazo da, GI-20 errepidean, Usurbilen parean; ikertzen ari dira zergatik, Errenteriarako noranzkoan zihoan autoa aldapatik jausi da, eta irauli egin da.
Talkaren eraginez, autoaren gidaria istripua gertatu den tokian hil da.