Gizartea -
Zirkulazioa
Ilara handiak N-1ean Andoainen, hiru orduz, istripu baten ondorioz
Zazpi kilometrorainoko auto-ilarak izan dira, Lasarte-Oriarako norabidean. Zortzi ibilgailuk egin dute talka, eta bost lagun zauritu dira, bat ere ez larri.
Agentziak | Erredakzioa
Hainbat autoren arteko istripu batek zazpi kilometrorainoko ilarak sortu ditu astearte goizean, N-1ean, Andoainen, Lasarte-Oriarako norabidean, Eusko Jaurlaritzako Segurtasun Sailak jakinarazi duenez. Zortzi ibilgailuk egin dute talka, istripuan, eta ilarak hiru orduz izan dira errepidean.
Bost lagun zauritu dira, bat ere ez larri, iturriek azaldu dutenez. Gutxienez bi ospitaleratu dituzte.
Ezbeharra 08:00ak aldera jazo da, eta autoek ezkerreko erreian egin dute talka elkarren aurka; horrek ilarak sortu ditu, goizeko lehen orduetan.