Ezkontza bat bertan behera Indonesian, 'senarra' emakumea zelako

Ezkontza bat bertan behera utzi dute Indonesian, Banten herrian, ezkontza ospatzen ari zirela ''ustezko senarra'' emakumezkoa dela ohartu baitira, herrialde horretako hedabideek jakinarazi dutenez.

Aurretik, inor ez da ohartu ''senargaia'' emakumezkoa zenik, eta ezkontzara bertaratutakoak emozio handiz ari ziren ospakizuna jarraitzen, baina une jakin batean ustez gizona zenari ahots tonu susmagarri bat atera zaio.

"Apaizak botoak eskatu dizkionean, ahotsa leundu egin zaio; emakume batena zirudien", adierazi du polizia batek.

Zeremonia hastean, gonbidatu batzuk harrituta gelditu dira, ezkongaia ezkontzara seniderik gabe eta nortasun agiririk gabe heldu baita.

Poliziak senargaiaren jatorria zehaztu du, ikerketa bat eginda, eta Emi izena duela ere jakin dute.

Emaztegaiak eta haren familiak adierazi dutenez, ez zuten iruzurraren berri eta lotsatuta daude.

Ez da Indonesian horrelakorik gertatu den lehen aldia. Joan den urtean, gizon bat Facebook sare sozialaren bidez ezagututako pertsona batekin ezkondu zen, emakumea zelakoan, eta, ezkondu ondoren, bikotekidea gizonezkoa zela ohartu zen.