Euskaldunek, euriarekin nazkatuta, ironiaz bete dituzte sare sozialak

"Gustuko dut udara Euskadin, urteko nire egunik gogokoena da", Interneten azken egunotan irakurri ahal izan diren ironietako bat da. Sare sozial ezagun baten taldearen izena ere bada, eta ia 8.000 jarraitzaile ditu dagoeneko.

1955etik izan dugun uztailik euritsuena aurten bizi izan ondoren, eguraldiaz hitz egiteak igogailuko isilune ezerosoak hausteko baliabide errazenetako bat izateari utzi dio, euskaldunen gai nagusia bilakatzeko sare sozialetan; baita horietatik kanpo ere.

Halere, egoera honek eragin dituen amorrazioei ironiarekin aurre egiten zaie, eta eguzkirik ez egotea zibernauten arteko era honetako iruzkinekin borrokatzen da: "Euskadi autonomia erkidego bat bilatzen ari da autogobernua benetako udara bategatik aldatzeko".

Batzuek eguraldiaren iragarpenaren argazkiak erakusten dituzte, egun askotarako hodeiak eta euria protagonistatzat jarrita. Beste batzuek, aldiz, eguzki izpi bat hilezkortu egiten dute; "Eguzki kometa, gaur Euskadin ateratako argazkian", diote.

Udara Euskal Herrian oporretara joan dela dirudi, eta sare sozialetan ondorengo iruzkinak egin dituzte, besteak beste: "Udara galdua bilatzen ari naiz, egun eguzkitsuekin eta tenperatura atseginekin. Aurkitzen duenak Euskadirengatik galdegin dezala, egun asko baitirau haren bila ".