Itxi

Gizartea

COVID-19

Bizkaiko Psikologia Elkargoak arretarako telefono bat jarri du martxan

Agentziak | Erredakzioa

Zaurgarritasun-egoeran dauden pertsonei zuzenduta dago: bakarrik daudenei, egoera berezietan bizi diren adingabeei zein familiei eta genero indarkeria jasateko arriskuan dauden emakumeei.

  • Kontsultak posta elektronikoz edota Whatsapp bidez 686 202 918 egin daitezke.

    Kontsultak posta elektronikoz edota Whatsapp bidez 686 202 918 egin daitezke. EiTB

Bizkaiko Psikologia Elkargoak herritarrei arreta psikologikoa eskaintzen duen telefono bat martxan jarri du, bereziki, zaurgarritasun-egoeran dauden pertsonei zuzenduta dgo, koronabirusaren krisia arintzeko.

Kontsultak posta elektronikoz bidali ahal izango dira helbide honetara: psikobizi.bizkaia@cop.es edota Whatsapp mezuen bidez: 686 202 918.

Telefonoa erabili nahi dutenek beren kontsulta idatzi beharko dute, ahal dituzten xehetasun guztiak emanez, profesionalek mezuak lehenesteko irizpideak izan ditzaten.

Halaber, harremanetarako telefono bat eman beharko da, psikologoa kontsulta egin duen pertsonarekin harremanetan jartzeko. Zerbitzuaren ordutegia 09:30etik 17:00etara izango da.

Zerbitzua koordinatzen duen taldeak, elkargokideak diren profesionalek osatua, jasotako gai bakoitza baloratuko du eta, ahal den neurrian, modu telematikoan erantzungo dute.

Ekimen honen helburua ahultasun psikologiko bereziko egoerak bizitzen ari diren pertsonei zalantzak argitzea eta orientabideak ematea da.

Nagusiki, bakarrik bizi diren pertsonei, adingabeei eta egoera bereziak dituzten familiei, genero-indarkeria jasateko arriskuan dauden emakumeei eta, oro har, koronabirusak eragindako egoera psikologikoki eragin diezaiekeen edozein pertsonei zuzenduta dago.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

  • Bisitatuena

      Kargatzen ikusiena
      Kargatzen ikusiena