169 mediku, tartean 59 erretiratu, jarri dira Osasunbidearen esku

Osasun Departamentua izango da prestutasuna agertu duten profesionalei deituko diena, beharrezkoa den kasuetan, eta ordezkapen zerrendak agortzen direnean.

agentziak | erredakzioa

publikatuta: 2020/03/23 13:22 (UTC+1)

azken eguneratzea: 2020/10/07 10:18 (UTC+2)

Nafarroako 169 medikuk erantzun diote Medikuen Kolegioak egindako deialdiari, eta Osasun Departamentuaren esku jarri dira 59 mediku erretiratu, beste espezialitate batzuetako 64 mediku, eta BAME plazarik ez duten 46 lizentziatu.

Osasun Departamentua izango da prestutasuna agertu duten profesionalei deituko diena, beharrezkoa den kasuetan, eta ordezkapen zerrendak agortzen direnean, herritarren osasun arretarako taldeak indartzeko.

Erretiratutako profesionalen kasuan, deialdia 70 urtetik beherakoentzat da soilik.

Jasotako erantzuna ikusita, Rafael Teijeira Medikuen Kolegioko presidenteak eskerrak eman dizkie medikuei, bai egunerokoan lanean ari direnei, bai "uneotan gure medikuak jasaten ari diren arreta egoera larria arintzen" laguntzeko prest agertu direnei.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea

Nafarroa Gaixotasunak Gizartea Eguneko albisteak Albisteak Nafarroako Gobernua Medikuak Koronabirusa Osasunbidea gaur

169 mediku, tartean 59 erretiratu, jarri dira Osasunbidearen esku

Esteka kopiatuta