Gizartea -

Koronabirusa

Bi pertsona labankadaz zauritu dituzte Bilbon, lonja batean izandako borrokan

Antza denez, 20 eta 27 urteko bi gazte dira erasotzaileak, biktimen ezagunak. Gertaera 02:15ean jazo da, Santutxu auzoko lonja batean.

Agentziak | Erredakzioa

Whatsapp Facebook Twitter Telegram Email

Bi pertsona labankadaz zauritu dituzte gaur goizaldean Bilbon, Santutxu auzoko lonja batean izandako borrokan, Eusko Jaurlaritzako Segurtasun Sailak jakitera eman duenez.

Zauritutako bi pertsona horiek Basurtuko ospitalera eraman dituzte, eta Ertzaintzak ustezko erasotzaileak atxilotu ditu.

Antza denez, 20 eta 27 urteko bi gazte dira erasotzaileak, biktimen ezagunak. Segurtasun Sailak jakinarazi duenez, joan den astean 6 eta 4 aldiz atxilotu zituzten, hurrenez hurren, alarma-egoeran ezarritako konfinamendua haustea leporatuta.

Gertaera 02:15ean jazo da. Lekukoek azaldu dutenez, borroka izan den tokian bost pertsona zeuden, eta une jakin batean, bi atxilotuak iritsi dira, aurretik zuten liskarren bat argitzeko asmoz.

Atxilotu dituztenean, ertzainek 11 zentimetroko labana bat eta guraize batzuk aurkitu dituzte inguruan.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.
Hau zure interesekoa bada, baliteke beste gai hauek ere izatea
Bilbo Ertzaintza Bizkaia Euskal Autonomia Erkidegoa Delituak Gaixotasunak Salaketak Santutxu Gizartea Eguneko albisteak Albisteak Osasun albisteak Basurtuko ospitalea Koronabirusa