Gizartea -
Bi-625 errepidean
Arrigorriagako emakume bat hil da Zaratamon, auto batek harrapatuta
Ezbeharra 22:00ak jota gertatu zen, Bi-625 errepidean, Arrigorriaga eta Basauri artean. Emakumea bertan hil zen.
Erredakzioa
Arrigorriagako emakume bat hil da astearte gauean, Zaratamo inguruan, Bi-625 errepidean izandako istripuan. Biktima auto batek harrapatu zuen eta ezbeharraren lekuan bertan hil zen.
Istripua 22:00ak jota gertatu zen, Bi-625ean, Arrigorriaga eta Basauri artean, Zaratamo udalerrian. Auto batek emakumea harrapatu zuen eta biktima lurrean etzanda geratu zen. Ertzaintza gertatutakoaren arrazoiak ikertzen ari da.
Osasun zerbitzuak istripuaren lekura joan ziren baina ezin izan zuten emakumeagatik ezer egin eta hilda zegoela baieztatu zuten.