Gizartea -
Koronabirusa
Dendak pixkanaka zabaltzen joatea proposatu du Urkulluk, apirilaren 27tik aurrera
Horrekin batera, kalera kirola egitera banaka ateratzeko aukera izatea ere eskatu dio Pedro Sanchez presidenteari, normaltasunerako "partekatutako eta bereizitako" trantsizio baten barruan.
Agentziak | Erredakzioa
Iñigo Urkullu lehendakariak eskumenen esparrua errespetatzeko eskatu dio Pedro Sanchez Espainiako Gobernuko presidenteari, eta, "Espainiako Gobernuak gidatutako deseskalatze asimetrikoaren" ordez, trantsizio prozesu "partekatua eta berezitua" defendatu du.
Urkulluk erkidegoetako presidenteek eta Gobernuko presidentek COVID-19aren pandemiaren egoera aztertzeko astero egin ohi duten bideokonferentzian parte hartu du. Atzo Pedro Sanchezek alarma-egoera maiatzaren 9ra arte luzatzeko asmoa iragarri zuen, baina apirilaren 27tik aurrera adin txikikoen irteera ahalbidetuz eta lurraldeen araberako deseskalada "asimetrikoa" eginez.
Euskadiren kasuan, lehendakariak proposatu du apirilaren 27tik aurrera, adingabeen etxetik irteteaz gain, saltokiak eta negozio txikiak modu mugatuan eta mailakatuan ireki ahal izatea, eta jarduera fisikoa kanpoan eta banaka baimendu ahal izatea, segurtasun-neurri guztiak hartuta.
"Deseskalada asimetrikoaren" planteamenduaren aurrean, Urkulluk esan du nahiago duela horrelako prozesu bat "Espainiako Gobernuaren gidaritzapean baino, normaltasun berrirako trantsizioa, modu partekatuan" diseinatzea eta "era bezituan egitea, koordinaziotik eta erantzunkidetasunetik".
Eskumen-esparru bereiziak
"Horrek subsidiariotasun printzipioaren aplikazioa esan nahi" duela adierazi dio lehendakariak Sanchezi, eta "errespetatu beharreko eskumen-esparru argi eta desberdinekin zein errealitate sozio-ekonomiko ezberdinekin osatutako Estatua osatzen dugunaren kontzientziarekin aritzeko" eskatu dio.
Datozen egunetan Eusko Jaurlaritza Euskadirako prestatzen ari den "normaltasun berrirako rantsizio plana" helaraziko diola aurreratu dio Urkulluk Sanchezi.
