Sutea izan da bart Donostian, etxebizitza bateko sukaldeko berogailuan

Donostiako etxebizitza batean izandako suteak sukaldea kiskali du eta kalteak eragin ditu fatxadan. Dena den, ez da inor zauritu, Donostiako Suhiltzaileen arabera.

Sua bart gauean piztu da, 22:50ean, Antigua auzoko Heriz pasealekuko 99. zenbakian, Gipuzkoako hiriburuko suhiltzaileek jakinarazi dutenez.

Antza denez, butanozko berogailu batean hasi da, eta sukaldera mugatu ziren sugar "oso gogorrak" eragin ditu; ondorioz, sukaldea erabat suntsituta geratu da.

Suhiltzaileek eraikina hustu dute, baina inork ez du osasun-arretarik behar izan.

Sua itzalitakoan, atari horretako bizilagunak etxera itzuli dira, sua piztu den solairukoa izan ezik, horren etxebizitzan kalte handiak izan baitira.