Bikotekide ohiari ostikadak emateagatik atxilotu dute, Gasteizen

Gizonezko bat atxilotu du Gasteizko Udaltzaingoak, bere bikotekide ohiarekin zuen urruntze agindua amaitu ostean honi kalean hainbat ostikada ematea leporatuta.

Arabako hiriburuko Udaltzaingoak astearte honetan jakinarazi duenez, joan den larunbateko arratsaldeko zotzi eta erdiak jota zirela izan zen gertaera. Emakume bat Judimendi auzoan zebilen polizia agente batengana hurbildu zen oso aztoratuta.

Biktimak poliziari jakinarazi zionez, bere bikotekidea atzetik segika ari zitzaion eta eraso egin nahi zion. Honen ondoren, ustezko erasotzailearen bila hasi ziren Poliziak eta handik gutxira bertatik gertu aurkitu zuten gizona.

Lekuko batzuk esan zutenez, gizonak hainbat ostikada eman zizkion emakumeari eztabaidatzen ari ziren bitartean.

Biktimak urruntze agindua izan du orain arte eta osasun zentro batera eraman zuten.