Gizartea -
Eguraldia
Galernak 121 km/h-ko haize-boladak utzi ditu Galean eta 112,9koak Santa Klaran
Eusko Jaurlaritzako Segurtasun Sailaren datuen arabera, Matxitxakon 106 km/h-ko haize-boladak izan ziren eta Jaizkibelen 101,3koak.
Agentziak | Erredakzioa
Bart, maiatzak 4, Euskadin izandako galernak 121 km/h-ko haize-boladak utzi zituen Galea lurmuturrean, 112koak Santa Klaran, 106koak Matxitxakon eta 101,3koak Jaizkibelen, Eusko Jaurlaritzako Segurtasun Sailak emandako datuen arabera.
Iluntze aldean, 100 km/h-tik gorakoak izan ziren Bizkaiko kostaldean: 121 km/h-koa Galea lurmuturrean 21:00etan eta 106,2koa Matxitxakon 21:20an.
Ondoren, galernak eragin handiagoa izan zuen Gipuzkoako itsasertzean 22:00etatik aurrera: 76,2 km/h-koak izan ziren Zarautzen 22:20an, 112,9koak Santa Klaran 22:30ean, 101,3koak Jaizkibelen 22:40an eta 87,5ekoak Higerren 22:50ean.
