Hezkuntzak aurten egin nahi du LEPa, baina pandemiaren araberakoa izango da

LEPak 1.148 plaza ditu (1.021 Bigarren Hezkuntzako irakasleentzat eta 127 LHko irakasle teknikoentzat), eta ekainerako aurreikusita zegoen, baina koronabirusak bertan behera uztea eragin zuen.

Hezkuntzako LEPa Barakadon. ETBko bideo batetik ateratako irudia.

AGENTZIAK | ERREDAKZIOA

publikatuta: 2020/05/07 17:38 (UTC+2)

azken eguneratzea: 2020/05/07 17:49 (UTC+2)

Cristina Uriarte Hezkuntza sailburuak bere sailaren Lan Eskaintza Publikoa (LEP) aurten egitea nahi duela adierazi du, baina COVID-19aren pandemiaren bilakaeraren eta Osasun Sailak ezarritako jarraibideen araberakoa izango da.

Ekainerako aurreikusita zegoen LEPak 1.148 plaza ditu (1.021 Bigarren Hezkuntzako irakasleentzat eta 127 LHko irakasle teknikoentzat), baina koronabirusak bertan behera uztea eragin zuen.

Ikasturte amaierarako plana aurkezteko prentsaurrekoan gai horri buruz galdetuta, sailburuak esan du lan-eskaintza publikoa osasun-berme guztiak eman daitezkeenean egingo dela, baina azterketak aurten bertan egitea nahiago duela adierazi du.

Nolanahi ere, Osasun Sailak probak egiteko baimena ematearen araberakoa izango da data, eta azterketak noiz egin sindikatuekin adosten saiatuko direla argitu du.

Sindikatu horiek (ELA, LAB, UGT eta CC. OO.) LEPa 2021eko ekainera atzeratzearen alde agertu dira, aurreikusitakoa baino urtebete geroago, egungo osasun-krisiak sortzen duen ziurgabetasunaren aurrean.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta derrigorrezkoak garraio publikoa erabiltzen baduzu.

Hau zure interesekoa bada, baliteke beste gai hauek ere izatea

Euskal Autonomia Erkidegoa Gaixotasunak Gizartea Eguneko albisteak Albisteak Hezkuntza Osasun albisteak Lan Eskaintzak Koronabirusa

Hezkuntzak aurten egin nahi du LEPa, baina pandemiaren araberakoa izango da

Esteka kopiatuta