Gizartea -

Koronabirusa

Gizon bat salatu dute Uharten, jaurtigairik gabeko kartutxoekin tiro egitea egotzita

50 urteko bizilagunak ez du armak erabiltzeko baimenik. Horrez gain, alarma-egoerak agindutako konfinamendu arauak hausteagatik ere zigortuko dute.

Agentziak | Erredakzioa

Whatsapp Facebook Twitter Telegram Email

50 urteko gizon bat salatu dute Uharten, jaurtigairik gabeko kartutxoekin herriko erdigunean tiro egitea leporatuta, armak erabiltzeko baimenik gabe eta alarma-egoerak agindutako konfinamendu araua urratuz, Guardia Zibilak ohar baten bidez jakinarazi duenez.

Apirilaren 19ko arratsaldean, herritar batzuek Guardia Zibilaren 062 telefonora deitu zuten, bizilagun bat kalean tiro egiten ari zela jakinarazteko. Orduan, Uharteko udaltzainek eta Iruñeko Guardia Zibilak osatutako bilaketa dispositibo bat martxan jarri zuten.

Tiroen egilea, 50 urteko gizon bat, guztiz identifikatuta zegoen, eta bere borondatez joan zen udaltzainen egoitzara. Bizilagunak, tiro egiteko erabili zituen suzko bi armak entregatu zituen.

Gizonari bi armak konfiskatu dizkiote, ez baitu horiek erabiltzeko baimenik. Ondorioz, arma horiek edukitzeagatik eta debekatutako armak zabarkeriaz eta gaitutako lekuetatik kanpo eramateagatik, erakusteagatik eta/edo erabiltzeagatik zigortzeko proposatu dute.

Horrez gain, alarma-egoerak agindutako konfinamendu arauak hausteagatik ere zigortuko dute.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, zure osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta derrigorrezkoak garraio publikoa erabiltzen baduzu.

Hau zure interesekoa bada, baliteke beste gai hauek ere izatea
Iruñea Nafarroa Delituak Gaixotasunak Salaketak Gizartea Eguneko albisteak Albisteak Osasun albisteak Uharte Koronabirusa Alarma egoera