Gizartea -
Jazoera
Gizon bat zauritu da Zumaian, bere etxean piztutako sute batean kea arnastuta
Dirudienez, sukaldeko ke-erauzgailuan hasi dira sugarrak, baina bizilagunak sutea itzaltzea lortu du.
AGENTZIAK | ERREDAKZIOA
75 urteko gizon bat zauritu da Zumaian (Gipuzkoa), bere etxebizitzan piztutako sute batean kea arnastuta, Eusko Jaurlaritzako Segurtasun Sailak jakinarazi duenez.
Ezbeharra 14:20ean jazo da, Basadi auzoko etxebizitza batean. Dirudienez, sukaldeko ke-erauzgailuan hasi dira sugarrak, baina etxeko bizilagunak sutea itzaltzea lortu du.
Dena dela, sortutako ke handiaren ondorioz, Ertzaintzako agenteak eta suhiltzaileak bertaratu dira eta auzokideak etxetik irtenarazi dituzte. Horietako bat, 75 urtekoa, Zarauzko osasun zentrora eraman behar izan dute, kea arnastuta.
Hau zure interesekoa bada, baliteke beste gai hauek ere izatea