Gizartea -
Gertakaria
Sutea piztu da Zornotzan eta eraikin bat jendez hustu behar izan dute
Gazteen lokal batean piztu da sua. Sugarrak kalte materialak egin ditu, baina gazteen lokalean soilik, eta 05:00etarako bizilagun guztiek etxera itzuli ahal izan dute.
Erredakzioa
Zornotzako (Bizkaia) eraikin bat jendez hustu dute gaur goizaldean San Joan kaleko 26.eko lokal batean piztu den sute baten ondorioz.
Herrizaingo Sailak jakitera eman duenez, 03:25 aldera piztu da sua gazteen lokal batean, eta momentu horretan ez zegoen inor, baina 70 bizilagun etxetik aterarazi dituzte.
Suhiltzaileak eta ertzainak bertaratu dira eta sei solairuko eraikina husteari ekin diote berehala.
05:00etarako sua erabat itzalita zegoen eta bizilagunek etxera itzuli ahal izan dute. Sutea zerk eragin duen aztertzen ari dira orain.
Hau zure interesekoa bada, baliteke beste gai hauek ere izatea