Gizon bat atxilotu dute Gasteizen emazteari eraso egin ostean

42 urteko gizonezko bat atxilotu zuen atzo, asteartea, Gasteizko Udaltzaingoak, emazteari -41 urtekoa- eraso egin ostean, Coronacion auzoko etxebizitza batean. Emakumeak, dena dela, ez du urruntze agindua eskatu, Udaltzaingoak adierazi duenez.

14:15ak aldera, Poliziak auzokide baten deia jaso zuen, Coronacion auzoko etxebizitza batean oihuak entzun zituela adierazteko.

Etxebizitzara heldutakoan, emakumezkoak aurpegian biolentzia markak zituela ikusi zuten agenteek. Eztabaida batean, gizonak aurpegian kolpatu eta iletik egin zion tira.

Udaltzainek gizonezkoa atxilotu zuten, baina emazteak urruntze agindua ez eskatzea erabaki du.