Gizartea -
JMJ 2011, Madrilen
Hiru polizia zigortu dituzte martxa laikoan izandako jarreragatik
Inspektoreorde bati eta bi agenteei espedientea egin die Poliziaren Zuzendaritza Orokorrak. Haietariko bat Interneten zabaldutako argazkiei esker identifikatu zuten.
Erredakzioa
Poliziaren Zuzendaritza Orokorrak hiru polizia zigortu ditu, joan den astean Madrilen izandako manifestaldi laikoan bere funtzioetan neurria gainditu zutelakoan. Horrela, inspektoreorde bati eta bi agenteei espedientea egin diete. Antza, inspektoreordea Internetetik zabaldutako argazkiei eta bideoei esker identifikatu zuten. Istiluetan gazte bat eta argazkilari bat zauritu ziren.
Jazoera honi buruzko bertsio anitz bolo-bolo dabil sarean. Esaterako, "Gazteari eraso egin dion polizia identifikatzeko eta zabaltzeko" izenburuko taldea sortu dute Facebooken eta dagoeneko 16.000 jarraitzaile baino gehiago ditu.
Bestalde, Madrilgo Polizia Buruzagitzak abiatutako barne ikerketaren arabera, gazte horrek jasotako lehen kolpea Esku-hartzeko Polizia Taldeko kide batek eman zion.
