Gizartea -
Jazoera
Gazte bat hil da Araban, argindar zutoin batetik erorita
20 urteko gaztea zazpi edo zortzi metrotako altueratik jausi da, Erriberabeitin. Erorketaren arrazoiak argitzeke daude.
Erredakzioa
20 urteko gazte bat hil da larunbat goizaldean Erriberabeitin (Araba), zazpi edo zortzi metrotako altuerako argindar zutoin batetik erori ostean, Eusko Jaurlaritzako Herrizaingo Sailak zabaldu duenez. Erorketaren arrazoiak argitzeko ikerketa bat abian jarri dute.
Gertaera larunbat honetako goizaldeko 04:40 inguruan jazo da eta bertara hurbildu diren larrialdi zerbitzuetako kideak gaztea erreanimatzen saiatu dira. Anbulantziaz eraman dute eta erietxerako bidean hil egin da.