Gizartea -
Gertaera
Herritar batek emakume baten bortxaketa saihestu du Bilbon
Gertaera ostiralean izan zen, 17:00 inguruan, Bilbao La Vieja auzoan. Biktima osasun zentro batera eraman zuten eta erasotzailea harrapatu eta atxilotu egin zuten.
Erredakzioa
Herritar batek emakume bat bortxatzen saiatzen ari zirela ikusi eta erasoa saihestu zuen Bilbon, Herrizaingo Sailak jakitera emandakoaren arabera.
Gertaera ostiralean izan zen, 17:00 inguruan, Bilbao La Vieja auzoan. Gizonezko bat emakumezko bati hurbildu zitzaion, eta eraso egin eta arropa batzuk eranstea lortu ondoren, bortxatzen saiatu zen jendearen bistatik babestuta zegoen leku batean.
Emakumearen oihuek herritar batek entzun zituen eta ea zer gertatzen ari zen ikusteko gerturatu zen, bortxaketa saihestuz. Erasotzailea ihesean atera zen eta herritarra atzetik joan zitzaion Ertzaintzari abisua ematen zion bitartean.
Zerbitzutik kanpo zegoen ertzain batek jazarpena ikusi eta erasotzailea harrapatu eta atxilotu zuen. Beste ertzain batzuek polizia-etxera eraman zuten.
Bi delitu leporatuko dizkiote
Biktima beste patruila batek artatu zuen eta osasun zentro batera eraman zuten.
Emakumeak agenteei esandakoaren arabera, eraso egiteaz gain, atxilotuak diru-zorroa lapurtu zion. Ondorioz, sexu-erasoa leporatzearekin batera, indarkeria erabilita egindako lapurreta ere egotziko diote.