Bilboko Konpartsak elkartea prest azaldu da Udalarekin konpontzeko

Bilboko Konpartsak jaien eredua hitzartzeko presioa egin dio astearte honetan Bizkaiko hiriburuari. Udaletxeak eta konpartsak "elkarren artean ulerkorrak izatera behartuta" daudela esan dute.

Honako balorazioa jakinarazi du Bilboko Konpartsak elkarteak Aste Nagusiaren inguruko balantzeari buruz komunikatu baten bidez. "Eredu parte hartzailea" eskatzeko asteazkenean izandako txosnen itxiera azpimarratu dute.

Txosnen itxieraren helburua, Txori Barrote eta Kaskagorri konpartsek ETAko presoen argazkiak erakusteagatik jarri zitzaien bi urtetako zigorraren aurka protesta egitea da.

Aurten izan den publikoaren arrakasta ere azpimarratu dute konpartsek. Alde txarra bezala, jaietan izandako emakumeen aurkako erasoak eta eraso homofoboak aipatu dituzte