Langile bat zauritu da Iruñean, igogailu baten zulotik behera erorita

23 urteko langile bat pronostiko erreserbatutako zauriak ditu, astearte arratsaldean Iruñeko San Joan auzoko eraikin batean lanean ari zela, igogailuaren zulotik behera erori ostean.

Olibako Monasterio kalean dagoen eraikin batean ari zen lanean gaztea. Gertatutakoa oraindik argi ez badago ere, langilea seigarren solairutik bosgarrenera erori eta aldamioen artean harrapatuta geratu da. Nafarroako Gobernuko suhiltzaileak bertara hurbildu dira eta gaztea erreskatatu dute.

Langilea Iruñeko Ospitalera eraman dute, sabeleko traumatismoa duelakoan.