Gizartea -
Gatazkak Metro Bilbaon
Langileak protesta egingo dute tailerrak berregituratzen badira
Zuzendaritzak langile batzuen lanak aldatu nahi ditu, eta hori eginez gero, baliteke orain arte Metro Bilbaoko langileek egiten zituzten lanetako batzuk azpikontratatzea.
Erredakzioa
LABsindikatuak komunikatu batean jakinarazi duenez, ostegun honetan egindako batzarretan langileek ez dituzte onartu zuzendaritzak Ariz (Basauri) eta Sopelanako tailerretarako proposatu dituen aldaketak, ez baitute hitzarmena errespetatzen, langile batzuen lanak aldatzen baitituzte eta orain arte Metro Bilbaoko langileek egiten zituzten lanak azpikontratatzeko aukera ematen baitu.
LABen arabera, biharko deitutako bileran Metro Bilbaoren zuzendaritzak tailerretarako plana aldatzen ez badu, enpresa batzordeak mobilizazio plan bat prestatuko du. Datorren astean emango du horren berri, baina ez dute baztertu kontzentrazioak, manifestazioak eta lanuzteak egitea.