Itxi

2020/06/29

08:29

Gizartea

ERRESKATEAK

Bi gizon erreskatatu dituzte Bilboko itsasadarrean eta emakume bat Donostian

AGENTZIAK | ERREDAKZIOA

Erreskateetako bat 02:00etan izan da Bilbon eta bestea 03:00etan Donostian.

  • Whatsapp
  • Whatsapp
  • Telegram
  • Bidali

Bilboko eta Donostiako suhiltzaileek erreskate lanetan aritu behar izan dute gaur goizaldean; lehenengoan, Bizkaiko hiriburuan itsasadarrean zeuden bi gizon ateratzeko, eta, bigarrenean, emakume bati laguntzeko, Donostiako Pasealeku Berriko harkaitz eremu batean.

Itsasadarreko erreskatea 02:00ak aldera izan da, 40 eta 53 urteko bi gizonek Euskalduna Jauregiaren parean itsasadarrean bainua hartzea erabaki dutenean; izan ere, uretara sartu ondoren, ezin izan dute uretatik atera, eta suhiltzaileak bertaratu behar izan dira laguntzera.

Donostian, 03:00etan, suhiltzaileek Salamanca Pasealekutik harkaitz-eremu batera erori den 34 urteko emakume bati lagundu behar izan diote. Bertatik atera ondoren, Donostia Ospitalera eraman dute, anbulantzian, baina ez zuen zauri larririk, Segurtasun Saileko iturriek jakitera eman dutenez.

  • Bisitatuena

      Kargatzen ikusiena
      Kargatzen ikusiena
    ;