7,5 euro irabazi zituela uste zuen eta azkenean 33 milioi irabazi ditu

Tarragonako Cambrils herriko erretiratu batek 33 milioi euro irabazi ditu Primitivan, nahiz eta hasiera batean 7,5 euroko saria zuela pentsatu zuen. Saria Primitivak bere historian banakako bati emandako sari potoloenen artean dago.

Diario de Tarragona egunkariaren arabera, irabazleak saritutako boletoa poltsikoan eraman zuen zenbait egunetan 7,5 euroko saria zuela pentsatuta. Telebistako teletextoaren akats batek eragin zion okerreko ustea.

Saria kobratzera joan zenean, 33 milioi irabazi zituela ohartu zen, eta ez 7,5 euro. Sari potolo horri esker, banku baten bulegoa ireki zioten diruarekin zer egin aholkatzeko.

Boletoa Salouko 1. Administrazioan zigilatu zuen, Bartzelona kalean, nahiz eta irabazlea Cambrilsen bizi den.