Gizartea -
Istripua
Traktore bat jausi eta gidaria hil egin da Zestoan
Gidatzen ari zen traktorea aldapa batetik jausi da eta gidaria bertan hil da.
Erredakzioa
76 urteko gizonezkoa hil egin da traktore bat gidatzen ari zela aldapa batetik erori ostean. Zestoako (Gipuzkoako) lurretan gertatu da ezbeharra lursail pribatu batean, Herrizaingo sailak esan duenez.
Istripua 11.30ak inguruan gertatu da. Traktorea aldapa batetik erori eta gidaria bertan atera ezinik gelditu da.
Ertzaintza eta suhiltzaileak bertaratu dira. Azken hauek atera dute gorpua eta Donostiako Auzi Patologia Zerbitzura eraman dute.
Hau zure interesekoa bada, baliteke beste gai hauek ere izatea