WhatsApp-ek konexio-arazoak ditu mundu-mailan

WhatsApp bat-bateko mezularitza-aplikazioak konexio-arazoak ditu mundu-mailan, astearte honetako gauean. Arazo nagusiak Erdialdeko Europan eta Latinoamerikan daude; gauerdian, hori bai, Ameriketako Estatu Batuetako ekialdeko eta mendebaldeko kostaldeetan ere atzeman dituzte.

Euskal Herrian, matxurak eragina izan du; izan ere, Espainiako Estatu osoan ere izan dira arazoak.