Gizartea -
Emakumeen kontrako indarkeria
Gizon bat atxilotu dute haur bat bortxatzea egotzita, Gasteizen
43 urteko gizonezkoak bikotekidearen 12 urteko alabari sexu-gehiegikeriak egin zizkiola salatu dute eta atzo atxilotu zuten lantokian.
Erredakzioa
Ertzaintzak 43 urteko gizonezko bat atxilotu zuen atzo bikotekidearen 12 urteko alabari sexu-gehiegikeriak egitea egotzita, Herrizaingo Sailak jakitera eman duenez.
Emakumeak salatu duenez, atzo eguerdian, ama ez zegoela aprobetxatuta, ustezko erasotzailea adingabearen ohean sartu zen eta sexu-gehiegikeriak egin zizkion. Berehala, biktima eta anaia etxetik atera ziren amaren bila, eta horrek Ertzaintzari eman zion abisua.
Patruila batek ospitalera eraman zuen haurra, eta gizona lantokian atxilotu zuten eta komisariara eraman zuten sexu-gehiegikeriak egitea leporatuta.
