Gizartea -
Istripua
Emakume bat larri zauritu da AP-15 errepidean, Puiu parean, izan den istripuan
Ezbeharra 15:31n gertatu da AP-15 errepideko 55. kilometroan. Autoa bidetik atera da, eta bazter-babesa jo du bete-betean.
AGENTZIAK | ERREDAKZIOA
68 urteko emakume bat larri zauritu da AP-15 errepidean, Puiu parean, izan den trafiko istripuan.
Nafarroako Gobernuko iturriek jakinarazi dutenez, ezbeharra 15:31n gertatu da errepide horretako 55. kilometroan. Autoa bidetik atera da, eta bazter-babesa jo du bete-betean.
Nafarroako Suhiltzaileek Twitterren argitu dute emakumea Tafallako suhiltzaileek atera dutela ibilgailutik. Gobernuak zehaztu du hainbat lesio zituela, eta haren osasun egoera larria dela.
Horregatik, anbulantzian eraman dute Nafarroako Ospitalera (Iruñea).
