85 urteko gizon bat hil da auto istripu batean Ean, etxe bat jota

85 urteko gizon bat hil da Ean arratsaldeko lehen orduetan. Gidatzen zuen autoak etxe bat jo du Aldebaster auzoan.

Segurtasun Sailetik adierazi dutenez, gertakaria arratsaldeko ordu biak eta laurdenetan jazo da Aldebaster auzoan. Aztertzen ari diren kausengatik, Nissan Terrano batek etxe bat jo du errepidetik irten denean.

Norbanako batek abisua eman eta gero, Ertzaintzaren hainbat patruila eta anbulantzia medikalizatu bat bertaratu dira istripua gertatu den lekura. Medikuak gidariaren heriotza ziurtatu du. Bera bakarrik zegoen ibilgailuan.